Burco iyo Mandheera oo Noqday Concentration Campka Dhalinta iyo Ciroolaha SS&C ee Ka Soo Horjeeda SNM ta Dhulka Xaqdaradda Ku qabsatay iyo Dabagelisyadda la socda: 

 Laas Caanood(Daraawiish Media Center) Laga soo bilaabo maalintii magaalada Laas Caanood ay ka baxday gacanta dadkii u dhashay ayna la wareegeen maleeshiyo ku abtirsada SNM iyo dabadhilifyo gunno ka qaata, waxaa ka socda magaaladaas in laga dhoofiyo dadka damiirka iyo dhiigu ku jiro ee ka soo hor jeeda Huwanta qabsatay magaaladaas. Maalmihii hore waxaa la qab qabtay oo la dhoofiyay qof kasta oo qori haystay diidayna inuu khasab uga mid noqdo maleeshiyada u shaqaysa SNMta ka dibna waxaa loo masaafuriyay Burco iyo Mandheera oo waxaa lagu sheegay inay yihiin maxaabiis dagaal. Ayaamahan dambe waxaa bilaabantay in shacabka caadiga ah baabuur lagu raro oo loo qaado xabsiyo. Sababta ka danbaysana waxaa weeye dadkii reer Laas Caanood oo intii qaxday mooyee intii kale ay diideen oo ka dhiidhiyeen joogitaanka ciidamadan huwanta ah magaaladoodii. Si markaa loo damiyo xiisadaa waxay huwantu go’aansatay in magaalada dadka laga cidleeyo si xiissadu u yaraato ama u danto. Go’aankaas oo ay qaateen taliyayaasha ciidanka SNMta iyagoo aan wax la tashi ah la samayn kuwii madiidinka u ahaa. Sida uu ina Aadan Cadde ka qirtay BBC da.

 

 Xidhiidhka Xaabsade iyo Riyaale oo la Xaqiijiyay inuu Soo Jireen ahaa.

Buuhoodle (DMC) Warar xog ogaal ahoo nagga soo gaadhay magaala madaxda gobolka cayn ee Buuhoodle ayaa waxay sheegayaan in Caada qaate Xaabsey (AKA Ina Xaabsade) uu xidhiidh la sameeyay oo wada hadleen Riyaale intii uu ku sugnaa magaalada Buuhoodle. Ila wareedkaas ayaa wuxuu kaloo sheegayaa, in odoyaal ka socday SL ay ku lug lahaayeen xidhiidhkaas inkastoo aan taa si cad loo xaqiijin karin. Xaabsey ayaa loo malaynayaa in uu xilligaa go’aansaday siduu uga mid noqon lahaa maamulka Riyaale. Si uu cudur daar iyo qiil u samayn uu u helana, wuxuu dhabqiyay oo sii fogeeyay xiisad u dhaxaysay isaga iyo 2da nin ee ugu sareeya maamulka Puntland.