Hubsiimo Hal Baa La Siistaa:
Garaad Jaamac Garaad Cali
Sidaan la wada socono waxaa beryahan soo batay shebekado (websites) ay
Soomaalidu wax ku qorto oo sida qaalibka ah ay leeyihiin Shaqsiyaad.
Shabakadahaasi waxay badanaa ka turjumaan fikrado shakhsiyaad ah, iyagoo aan
kala saarin fikradaha iyo wararka saxda ah. Soomaalidu waxay quudataa wararka
waana ummad aad u jecel hadalka la buun buuniyay beenba ha ahaado'e. Waxaana
badanaaba caado u ah intay hadal maqlaan inay intaay turjumaan oo hadalkii
asalka ahaa wax ka badalaan inay dib suuqa u galiyaan. Haddaad u fiirsataana,
shabakadba shabakaday warkeedu ka diciifsan yahay waa laga jecel yahay, taasina
waxay kuu cadeynaysaa in Soomaalidu ayna raadin warka kiisa saxdda ah, balse ay
jecel yihiin midka la buun buuniyay iyo midka siday jecel yihiin loo sheegay.
Shakhsiyaad badan oo wax ku qora shabakadaha Soomaaliyeedna, iyagoon eegin
xuquuqda war baahinta iyo muhiimadda ay leedahay in warka loo soo tebiyo siduu
yahay iyadoon turjumaad lagu darin ayay waxay soo bandhingaan fikrado iyagoo war
ka dhigaya.
Maalin dhexdaas ah ayaan dhegaystay waraysi uu siiyay Garaad Jaamac Garaad
Cali idaacad ka mid ah idaacadah Muqdisho. Waraysigaas ka dib ayaan ku arkay
Shabakado Soomaaliyeed iyagoo leh, garaad Jaamac ayaa u yeedhay Xabashi oo
Xabashi wadankii keenaya. Shabakadahaas oo hadalkaa ay qaloociyeen ka sokow
aflagaado u gaystay Garaad Jaamac. Fadlan ila
dhageyso Garaad Jaamac
oo bal turjumaadiina qaata idinkoon war ka dhigan fikrado ay soo gudbiyeen
shakhsiyaad leh dano gaar ah.
Mahadsanidiin
Xarbi, Abdi
Ku soo dir fikradahaaga: opinion@xaadhadhan.org
ku Noqo Bogga Hore ee Xaadhadhan.org